Volda og Ørsta kunstlag held tradisjonen med sommarutstilling ved like. Denne sommaren er det kunstverk av Cornelia Skuggen, Line Katrin Moe, Marte Gjone, Rolf Vatn og Aase-Elise Castberg vi får sjå i Kunsthuset i Ørsta, i perioden 10. juli til og med 15. august.

Cornelia Skuggen er glaskunstnar  (glasblåsar) og bur i Ålesund. Cornelia driv eigen verkstad – Celsius Glass Studio – i Devoldfabrikken i Ålesund, der ho skaper fargerike glasprodukt. Ho er oppteken av handverk, funksjon og berekraft, mellom anna ved å bruke resirkulert glas i produksjonen.

Line Katrin Moe, frå Ørsta, er illustratør og kunstnar som arbeider med teikning og maleri, ofte med motiv frå natur og kvardagsliv. Ho skaper poetiske og stemningsfulle bilde, kjenneteikna av enkle linjer og mjuke former.

Marte Gjone er gullsmed og smykkedesignar i Oslo. Ho lagar vakre smykke (m.a. øyrepynt og halskjede),  i gull og sølv. Ho arbeider intuitivt og let materialet forme uttrykket, med inspirasjon frå natur, strukturar og erosjon.

Rolf Vatn er ein keramikkunstnar frå Ørsta. Han lagar bruksgjenstandar og kunst i leire. Arbeida hans har gjerne enkle former, naturlege fargar og eit funksjonelt uttrykk.

Aase‑Elise Castberg, frå Ørsta, er bildekunstnar som arbeider med maleri, ofte med motiv inspirerte av natur og landskap. Arbeida hennar legg vekt på fargar, stemning og personleg uttrykk i møte mellom lys og form.

Opninga er fredag 10. juli kl. 18 – ope til kl. 20. Opningstidene elles er torsdagar, fredagar og laurdagar kl. 12-16.

Utstillinga står til og med laurdag 15. august.

Velkomne til ei variert og fin sommarutstilling i Kunsthuset i Ørsta!