Fredag 26. og laurdag 27.mai 2023

Fredag 26. mai opnar Volda og Ørsta kunstlag salsutstilling med maleri og grafikk av mange regionalt og nasjonalt kjende biletkunstnarar. O

Verka er ei gåve til kunstlaget frå Sparebank1 Søre Sunnmøre, og tanken er at midlane som kjem inn ved sal av kunsten, skal kunne brukast til renovering og innvendig oppgradering av Kunsthuset.
Styremedlemmene i kunstlaget er svært takksame for den rause kunstgåva frå banken.

I 2004 inngjekk det dåverande styret i kunstlaget ein femtiårs leigeavtale med Ørsta kommune, og laget har sidan rusta opp Kunsthuset i fleire omgangar. No står tredje etasje for tur. Der håpar vi mellom anna å få til gjesteatelier og lager. Gåva frå Sparebank1 Søre Sunnmøre vil gjere det mogleg å få på plass startkapital til dette prosjektet. Om lag 35-40 verk blir utstilte, og alle er av høg kvalitet. Mellom kunstnarane som er representert kan vi nemne Astrid Eidseth Rygh, Kjell Nupen, Sissel Stangenes, Knut Rumohr, Roald Tellnes og Sidsel Westbø.

Utstillinga som blir opna av konserndirektør Stig Brautaset, heng oppe i to dagar; førstkomande fredag og laurdag.