14.mars – 04.april 2020. Opning laurdag 14. mars 2020- Kunsthuset i Ørsta kl. 13.00.

Jone Skjensvold jobbar med maleri i seriar, utført i olje på lerret. På Kunsthuset i Ørsta vil han vise bilde frå dei nye seriane Simple Rules og True Colours.

Etter mange års søk i eit non-figurativt bildespråk, har han utvikla ein framgangsmåte: Skissene, idéane, og fargane, som ofte blir fanga opp på foto, blir i første omgang bearbeidde digitalt. Deretter printar han fargeprøver, som saman med skjermbildet dannar utgangspunkt for den fysiske fargeblandinga. Komposisjonane blir teikna opp på lerretet ved bruk av maskeringstape, der rette linjer avgrensar flatene. Malinga blir påført med palettkniv. Ved å ha ein metode og ved å begrense verkemidla, kan han halde fokus på det som for han er essensielt, nemlig den nøyaktige fargeblandinga, relasjonar mellom fargane, og farge som berar av eit emosjonelt innhald.

Opningstider i utstillingsperioden: – torsdag, fredag, laurdag – 12.00 – 16.00.