Salsutstilling på Kunsthuset i Ørsta, 22.november – 7.desember 2024

Opning fredag 22.11.24 – frå 18.00 – 20.00.
Opningstider: torsdag, fredag, laurdag 12-16

Fri inngang. Velkomne!

Fotograf: Anne Marthe Berge
«Dagbok» er tittelen på Fagermo si utstilling i Ørsta. Her viser kunstnaren nye maleri produsert dei to siste åra, spesielt for utstillinga på Kunsthuset i Ørsta, som varer frå 22.11. til 07.12.24.
Terje Fagermo, f. 1932, kan vise til eit imponerande og endå svært aktivt liv som kunstnar. Nesten kvar einaste dag arbeider denne vitale del av det Ålesundske kunstliv, – i lyst og glød i sitt atelier på Molja.
Terje Fagermo er fødd inn i ei kunstnarfamilie. Faren Ole Fagermo hadde studert ved Statens handverk- og kunstindustriskole i 1920 årene, og han vart sonen sin viktigaste læremeister og forbilde. Der fikk han kyndig veiledning.

Terje Fagermo har skapt arbeid innan ulike kunstretningar, landskapsbilde med dramatiske inntrykk frå skiftande metrologi og natur. Han har arbeidd abstrakt og figurativt, og ikkje minst vakte dei geometriske «himmelrombilda» internasjonal merksemd. Han har også gjort veggdekorasjonar og tredimensjonale skulpturar på oppdrag.
Anne Standal er kurator for Fagermo sine utstillingar, og vil halde foredrag om kunstnaren i løpet av utstillingsperioden.