Volda og Ørsta Kunstlag har lagt bak seg eit aktivt kunstår med mange utstillingar og andre aktivitetar knytt til Kunsthuset i Ørsta sentrum.

Planane for 2017 tek no form, og vi gler oss til spennande møte med allsidige kunstnarar og uttrykksformer i dei komande utstillingane.

Takk til frivillige som har stilt opp som vakter, snekkarar, malarar, kaffikokarar, reinhaldarar og mykje anna som fyl med når ei utstilling skal gjennomførast! Takk også til publikum som trufast kjem og tek del i tilbodet frå Kunsthuset. Vi ser fram til å møte dykk igjen i 2017.